LAOAG CITY – Natay ti maysa a lalaki kalpasan ti panagbekkel na iti uneg a mismo ti balay da idiay Brgy. Sulvec iti ili a Pasuquin, Ilocos Norte.
Nabigbig daytoy a ni Andres Caraiga y Dalo, agtawen ti 62, balo, mannalon ken residente iti nasao a barangay.
Immuna iti daytoy, nagkamang iti PNP-Pasuquin ti agnagan ti Priscila Cariaga y Dalo, agtawen ti 65, awanan ti asawa ken residente met laeng iti nasao a lugar.
Segun ti PNP-Pasuquin, nakita ti kabsat ti biktima a ni Madelyn Cariaga, agtawen ti 51 a nakabitin iti uneg ti kwarto ti balay da.
Gapo iti daytoy, dagus nga inpakaammo ni Madelyn iti kabsat na pay a ni Rogelio Cariaga, agtawen ti 50 a putden na ti tali nga inusar ti biktima.
Inadmitir ti pamilya ti biktima nga iti Pebrero ket ginandat nan ti nagpakamatay ken maipagarop a dangdangran na pay ti bukod na a bagi gapo ti deperensya ti panagpanpanunot na.
Naamoan a ti biktima ket dimmalan ti psychiatric examination itay kallabes.
Awan met ti nakita dagiti maseknan a foul play iti nasao a pasamak.
