LAOAG CITY – Agtultuloy ti panangbirbiruk dagiti kameng ti City Disaster Risk Reduction and Management Council, Bureau of Fire Protection, Philippine National Police ken dagiti opisyal iti Barangay 53, Rioeng ditoy ciudad ti Laoag iti mapukpukaw nga ama a ni Mr. Eric Dennis Agudong, agtawen ti 54, naasawaan ken residente iti nadakamat a barangay.
Basar iti report, napan nag-jogging ni Agudong iti bigat ti Enero 2, 2026 iti paset ti Barangay 54-B, Camanggaan ditoy ciudad, ngem saanen a napasangpet pay ti pamilya na.
Naamoan a naudi a nakita ni Agudong iti Sitio Lusong iti Barangay Camanggaan iti oras ti alas-6:30 ti bigat iti dayta metlaeng nga aldaw.
Ni Agudong ket nakaugalian nan ti regular a mapan agjogging iti agsapa iti asideg ti Padsan River.
Mainaig iti daytoy, inbatad ti anak ni Agudong nga idi 2022 ket na-diagnose ti ama na iti anxiety.
Kabayatanna, inpasingked ni Police Capt. Sheryl Cacayorin, ti pannakangiwat ti Ilocos Norte Police Provincial Office ng itultuloy da ti mangbiruk ken ni Agudong, ken nakikoordinar da payen iti kaparanget a probinsya partikular iti Ilocos Sur ken iti Cagayan.
Mangnamnama met ti pamilya Agudong a mabirukan a natalged ti ama da iti kabiitan a panawen.
