LAOAG CITY – Naduktalan ni Mr. Kristoffer Reymund Medina, Disability Affair Officer II, Persons with Disability Affairs Office ditoy siudad ti Laoag iti maysa nga establishimento ditoy siudad ti kaawan ti priority lane iti umuna a kadsaaran ti pasdek para kadagiti adda ti rangkap ti bagina.
Segun kenkuana, napateg dagitoy a mamonitor gapu ta para iti pagsaayatan dagiti adda ti rangkap ti bagina nga agturturong kadagiti establishimento.
Inbatadna nga iti pannakaipaay ti pribilehio ket maysa a karbengan dagiti adda ti rangkap ti bagina nga isu met ti nakailanad iti linteg a masapul nga aramiden para kadakuada.
Mainaig iti daytoy, kuna ni Medina a saan laeng nga iti naikeddeng nga iskedyul ti panagmonitorda kadagitoy no diket inaldaw tapno masigurado a maipapaay met laeng ti pribilehio dagiti adda ti rangkap ti bagina.
Kabayatanna, inpakaammona no adda ti maduktalanda a saan a sumursurot iti pagannurotan ket maipatulodan dagitoy ti surat tapno agsungbat.
