LAOAG CITY – Nagturong ti maysa a concerned citizen iti Philippine National Police iti ili Carasi gapu iti pannakadiskobrena ti maysa nga “improvised electrofishing apparatus” a nakalemmeng iti babaen ti maysa a kayo iti kabanbantayan nga asideg iti Sapa River iti Barangay 3 Angset, iti nadakamat nga ili.
Basar ken ni Philippine National Police – Carasi Pol. Capt. Winnie Rose Julia, narekobre dagiti personnel ti Carasi Municipal Police Station ti maysa a puraw a sako nga adda kargana a maysa a black twelve-volt (12V) battery nga adda naka-attach nga apparatus, maysa a puraw a rolled electric wire a mapatta-patta a lima a metro ti kaatiddog, maysa nga iron rod ken mausa a fish catcher net.
Ti nadakaay nga apparatus ket adda iti kustodiar ti Carasi Munisipal Police Station para iti naan-anay a dokumentasion ken disposition.
Mainaig iti daytoy, ti mapatta-patta a balor ti device ket sumurok-kumurang P5,000.
Kabayatanna, nakikoordinarda kadagii opisial ti barangay tapno ballaagan ti publiko nga ag-report iti polis no adda man makitada a mangiwayat ti illegal fising.
Naamoan a saanda a masinunuo ti agtagikua iti device ngem agtultuloy ti panang-monitor ti Philippine National Police iti ili ti Carasi
