LAOAG CITY – Nagpanawagan ti Victory Liner iti gobierno para iti pannakaipangato ti plete dagiti provincial ken city bus, gapu iti agtultuloy a panagngato ti gastos ti operasion.
Basar iti Victory Liner, 45 agingga 65 a porsiento iti pakabukelan nga operating costs-da ket mapmapan iti fuel expenses.
Segun iti kumpanya, agarup saan a makasabsabay ti manarimaan a plete iti aktuwal a gastosda iti public transportation.
Malaksid iti presio ti krudo, karaman pay kadagiti mangpadpadagsen kadakuada dagiti modernization loans, spare parts, ligay, maintenance, insurance, toll fees ken dagiti regulatory compliance.
Inpetteng ti Victory Liner a saanda nga agkidkiddaw ti ayuda, no diketdi ti ikkisda ket maysa a patas ken sustainable a plete a mangtulong kadakuada tapno agtultuloyda nga agoperar.
Nagpanawagan ti Victory Liner iti Presidente, Kongreso, Department of Transportation, Department of Finance, Department of Energy ken iti Land Transportation Franchising and Regulatory Board ti insigida a panagtignayda iti isyu ti fare adjudsment.
