LAOAG CITY – Inbatad ni National Bureau of Investigation (NBI) Director Melvin Matibag a nakaawat ti opisina da iti agarop 50 a dokumento a naglaon iti maipagarop a ghost wenno substandard a proyekto iti flood control idiay Davao City.
Segun kenni Matibag, ti 47 manipod iti 100 a bilang iti proyekto ti flood control iti maysa a distrito iti ciudad manarimaan ti pannakaimbestigar na idinto nga adda ti 6 ti nalawag a dakkel ti problema na.
Inrakurak iti direktor ti NBI a ti pondo nga agbalor ti P1.9 billion ket naipaay iti distrito ni Davao Representative Paolo “Pulong” Duterte ken maipagarop a naiwaras kadagiti kontraktor nga asideg iti pamilya Duterte.
Nupay kasta, inlawlawag ni Matibag a saan a ni Duterte iti paayaban na, no di ket ti Department of Public Works and Highways ken ti tallo a kontraktor.
Iti agdama, namnamaen ni Matibag ti personal a panagpakita ni DPWH Regional Director Juby Cordon iti opisina da iti oras ti alauna ti malem intono Setyembre 24, tapno agpalawag ken mangted iti dadduma pay a dukomento.
