LAOAG CITY – Madanagan ni Mrs. Erlinda Palilio, ina ti mapukpukaw iti Barangay San Pedro iti ili ti Bacarra gapu ta makalawasen ti napalabas ket saan pay a nasapolan ti anakna.
Nabigbig ti mapukpukaw a ni Allan Palilio, agtawen ti nasurok 30, natayag ken residente iti nadakamat a barangay.
Iti palawag ni Mrs. Palilio, sakbay ti pannakukaw ti anak na ket nagpakada daytoy a sumrek iti trabaho ngem agpapan ita ket saan pay a simmangpet.
Naammuan pay a ni Allan ket awan iti usto a panagpanpanunot.
Gapu iti daytoy ket agkidkidaw ni Mrs. Palilio kadagiti makabigbig iti anak na a no makitkita da ni Allan ket inpakammmu da nga insigida.
Kabayatanna, naireport metten ti insidente iti Philippine National Police iti ili ti Bacarra.
