LAOAG CITY – Nabirukanen a natay ti maysa a bulos nga urbon a baka iti kataltalunan a paset ti Bgy. Bungcag iti ili ti Dingras.
Kinumpirmaran daytoy ni Bgy. Chairman Edwardo Batallones ti nasao a barangay.
Segun ken ni Batallones, natay ti nasao a baka a kukua ti agnagan Rafael Valencia
iti kalpasan a napaltugan
Inbaga daytoy ti kapitan gapu ta kalpasan a pinarti da ti baka ket nakita da ti buli ti nasao a klase ti paltog iti buksit na ken adda ti tama ti bara, puso ken dalem na.
Kuna na a basar iti panangamiris da ti baka, adda tama ti paltog iti makinkattigid a paset ti bagi na.
Awan ti nakakita no siasinno ti nangpaltog iti nasao a taraken ngem maatap nga aramid ti makapungpungtot a masansan a madadael ti mula na mais gapu iti bulos a baka.
Innayon ti Kapitan nga awan ti maaramidan ti agtagikua ti baka gapu ta pinadas na a pinatiliw daytoy babaen iti panangtandan na ti agarup a 10 a tattao ngem saan da a natiliw.
