LAOAG CITY – Naamoan iti kangrunaan nga imbestigasion a ti 9mm pistol nga inusar ti suspek iti pammaltog iti Banga National High School ket aggapu iti vault ti amana a maysa nga empleado ti Department of Education Region 12 ken mangisursuro ti gun safety.
Mainaig iti daytoy, nagkari ti insigida a tulong ni House Senior Deputy Speaker Dinand Hernandez para kadagiti biktima ken pamilia a naapektran iti nadakamat nga insidente iti South Cotabato.
Inbatad ni Hernandez a binilinna iti staff-na nga asistiren dagiti biktima nga manarimaan ti pannakatamingda kabayatan a planona ti agturong ti Mindanao kaduana ni Education Secretary Sonny Angara tapno bisitaen ti pagadalan ken dagiti pamilia.
Inpetteng ti agpampanday linteg ti kinapateg ti panangpatibker ti seguridad kadagiti pagadalan, panangpapigsa ti mental health support kadagiti estudiante ken ti panangliklik ti saan a kumpirmado nga impormasion kabayatan ti imbestigasion.
Basar iti kabaroan a damag, tallo ti nasugatan nga estudiante ti nakaruar ti ospital kabayatan nga uppat ti maag-agasan iti nagduduma a pasilidad ti salun-at iti rehion.
