LAOAG CITY – Nakamansayagen ti pimmusay a nakalubbon ti motorsiklo kalpasan a naaksidente da iti Galpac Bridge Brgy. 20, Paratong, iti ili a Paoay.
Nabigbig ti pimmusay a ni Ricky Palar, agtawen ti 33, awanan asawa ken nasugatan ti driver ti motorsiklo a ni Dante Alcantara, agtawen ti 31, naasawaa,mannalon ken agpada a taga Brgy. Apatut-Lubong iti ili a Pinili.
Segun ti PNP Paoay, bayat ti panagpaabagatan ti motorsiklo iti Brgy Paratong, maipagarup a napukawan ni Alcantara ti kontrol iti manibela idi nagkurba iti kannigid.
Gapu iti daytoy, naidungpar da iti railing wenno shoulder ti nasao a rangtay.
Nasugsugaatan ni Alcantara idinto a nakana ti sugat ni Palar.
Insegida a naitaray da iti Mariano Marcos Memorial Hospital and Medical Center siudad ti Batac ngem naideklara a dead on arrival ni Palar.
