LAOAG CITY – Maysa ti pimmusay ken sumagmamano ti nasugsugatan kalpasan ti panagdinnungpar ti motorsiklo ken kurong-kurong iti paset ti Brgy. Root iti ili ti Dingras.
Inbatad ni Police Captain Norman Pentang, ti Chief of Police ti Philippine National Police iti Ili ti Dingras a basar iti inisyal nga imbestigasyon ket agpada nga agpabagatan ti kurong-kurong ken motorsiklo nga sniper.
Kuna na a bayat a dumaldalyasat ti kurong-kurong iti nasao a kalsada ket maipagarup nga adda ti naregreg ti pasahero rason a nag u-turn wenno nagsubli ti driver.
Nu pay kasta, iti panagsubli na ket dita a nasabat ti kurong-kurong ti sumarsaruno a motorsiklo.
Gapu iti daytoy, agpada a nagsagaba ti sukat ti pasahero ti kurong-kurong ken ti driver ti motorsiklo ken dagus a naitaray dagitoy iti ospital ngem.
Kabayatanna, gapu iti internal bleeding gubuay ti sugat iti ulo ti pasahero ti kurong-kurong ket natay daytoy.
Iti agdama ket agtultuloy ti imbestigasyon dagiti otoridad seknan iti nasao nga insidente.
