LAOAG CITY – Naiget ti panagsagana ken panagmonitor ti Municipal Disaster Risk Reduction Council iti agbalin nga epekto ti Bagyo Marce ditoy probinsia.
Daytoy ti inpakaammo ni Mr. Almond Leaño, mangidadaulo ti Municipal Disaster Risk Reduction and Management Office iti nadakamat nga ili.
Segun kenkuana, nakasagana dagiti disaster response team a mapan agresponde kadagiti maapektaran ti bagyo pakairamanan met dagiti heavy equipments a mausar.
Innayonna nga adda dagiti nakasagana a family food packs a maipaay kadagiti agbalin a biktima ti Bagyo Marce.
Kabayatanna, nagpalagip ni Leaño nga agbakwit a dagos no adda dagiti mapasaran nga epekto ti nadakamat a bagyo.
