LAOAG CITY – Inbatad ni Mr. Rommel Nanay, mangidadaulo ti Meat Vendors Association iti merkado publiko ditoy ciudad ti Laoag nga awan ti problema da iti panaglako ti karne ti baboy.
Segun kenni Nanay, makita a nasayaat dagiti baboy a sumsumrek iti slaughter house ditoy ciudad wenno dagitoy ket nasalun-at a baboy.
Inlawlawag na nga awan ti epekto iti panaglako da iti pannakakumpirmar nga adda ti kaso ti ASF iti ili ti Solsona.
Kunana nga agkurkurang laeng ti suplay ti karne ti baboy iti agdama.
Mainaig iti daytoy, ti laeng kiddaw da iti Dept. of Agriculture no mabalin ket maeksamin nga ummuna dagiti baboy tapno maamoan no positibo iti ASF wenno saan sakbay a maikali.
