Agsiddaaw ti dati a Kapitan ti Brgy. Zamboanga ditoy siudad ti Laoag a ni Mr. Segundo Gagarin iti maipagarup a panangipasardeng ti agdama a Kapitan a ni Mr. Renier Manuel ti konstruksion ti maysa a pagtaengan.
Segun ken ni Mr. Gagarin, naikkan daytoy ti Special Power of Attorney babaen ken ni Mr. and Mrs. Zenaida Asmar.
Kinunana a saan isuda a sinarakan ni Kapitan Manuel ti demolition permit kabayatan ti pannakarakrak ti pagtaengan.
Ngem idinto a nagpatakderdan ket ditoy a nagturong ni Kapitan tapno ipasardengna ti konstruksion no sadinno a kompleto ti building permit wenno dokumentoda tapno agpatakder ti pagtaengan.
Ti panagturong ni Kapitan ket adda nagriri iti pannakapatakder ti pagtaengan ken adda pulis a kaduana a rason ti pannakaalarma dagiti bumaranggay.
Malaksid iti daytoy, ditoy a kwinestionaran ti dati a Kapitan no ni Kapitan Manuel ket Kapitan ti amin wenno Kapitan ti sumagmamano gapu ta saanna nga dinggen ti sentimo ti partido-da Mr. Gagarin.
Innayon ti dati a Kapitan a masapul a patas ti panangidaulo daytoy kadagiti ka-baranggayanna.
Kabayatanna, pinadas nga alaen ti Bombo Radyo Laoag ti statement ni Kapitan Manuel ngem saan daytoy a masarakan.
