LAOAG CITY – Nabirukan a maysan a bangkay ti nagpukaw nga ubing kalpasan a nalmes iti baybay a paset ti Barangay Saud idiay Badoc, Ilocos Norte.
Daytoy ti kinumpirmaran ni Police Chief Inspector Jayson Gauna, ti chief of police iti ili a Badoc.
Nabigbig ti biktima a ni Rommel Bautista, agtawen ti 12, Grade 7 ke residente met laeng ti nasao nga ili.
Inbatad ni Gauna a nadawel ti baybay idi napan nagdigos ti biktima kadwa na ti maysa a pagayam na.
Innayon na a saan nga ammo ti ubing iti aglangoy a nangitunda ti pannakalmes na.
