LAOAG CITY – Idauloan ni Philippine National Junior record holder Micaela Jasmine Mojdeh ti national junior swimming team iti 46th Southeast Asian Age Group Championships a maiyuswat inton Disiembre 6 agingga 8 idiay Bangkok, Thailand.
Ni Mojdeh ket nagballigi iti 2024 World Aquatics Swimming World Cup a naisayangkat idiay South Korea ken Singapore.
Nakadanon iti finals ni Mojdeh iti women’s 200m butterfly a nakagun-od ti dua a minuto ken 16.58 a segundo iti second leg ti World Cup iti Singapore.
Malaksid iti World Cup, nakipaset isuna iti namindua a daras iti World Juniors Championships pakairamanan ti panagserrekna iti semifinals idi 2022 edition idiay Lima, Peru.
