LAOAG CITY – Natay ti walo ken nasugatan ti 32 a dadduma pay kalpasan ti panagdinnungpar ti tren ken pampasahero a bus idiay Bangkok, Thailand.
Gapu iti kinapigsa ti panagdinnungpar ti dua a lugan ket nagresulta iti pannakauram ti bus.
Nairaman pay a nauram dagiti nakaparada a lugan nga adda iti igid.
Insigida met a nagresponde dagiti rescue workers no sadinno a natalgedda a nairuar dagiti tattao manipud kadagiti dua a lugan.
Agtultuloy nga am-ammoen dagiti otoridad ti namunganayan ti nasao nga aksidente.
