LAOAG CITY – Inanunsio ti tech company a Microsoft ti panagsubli ti serbisio da kadagiti user kalpasan ti nalawa nga outage a nangitunda ti pannakaitantan iti operasion kadagiti sumagmamano a pampubliko a serbisio ken negosio ti intero a lubong.
Mainaig iti daytoy, nairekord ti service disruption iti sumagmamano a produkto ti Microsoft kas ti Outlook email, MS Teams, ken Copilot AI assistant nga epekto ti ‘elevated load’ iti imprastruktura daytoy.
Naapektaran ti nasao nga outage dagiti user manipud iti 74 a pagilian pakairamanan ti Pilipinas no sadinno a napalabes ti pannakaitantan ti sekrtor ti empleado iti IT, BPO, ken dagiti corporate employees.
Kabayatana, nagballaag met ti kompania kontra iti ‘active phising campaign’ a kunada a manggungundawat iti nasao a serbisio no sadinno a tultuladenda dagiti peke nga emails ti service notification ti Microsoft.
