LAOAG CITY – Inlawlawag ni Dr. Alan Taylan ti rason iti panagpasar ti maysa nga indibidual ti migraine.
Inbatad na a kangrunaan iti daytoy ket genetic wenno matawid ken mabalin pay a mapasaran gapu iti bannog ke stress.
Immuna iti daytoy, inlawlawag ni Taylan a masapol a maamoan ti mangitundtunda ti migraine iti maysa a tao sakbay a maresetaan ti agas.
Kuna na a maysa kadagiti agas a mabalin a makalapped iti panagkaro ti migraine ket triptans ken isu ti mangisardeng kadagiti aktibidad ti hormones a makait-ited ti sakit iti ulo.
Kabayatanna, inbatad ni Taylan a malaksid iti agas ket nasken nga agtalined kadagiti lugar a saan a naranyag ken natalna.
Ti migraine ket primary a klase ti sakit iti ulo nu sadino a maaddaan ti dilatation kadagiti pagtarayan ti dara.
Inpakaammo pay ni Taylan a daytoy ket one sided ken nasaksakit nu ikompara kadagiti sabali a klase ti sakit iti ulo.
