LAOAG CITY – Naiget ti panagsagsagana sipud pay idi kalman dagiti barangay chairmen ditoy probinsya nga Ilocos Norte para iti iyuswat da nga aktibidad ita nga aldaw dagiti puso.
Nasurok a 500 a barangay kapitan ti manamnama nga agatendar ti Valentine celebration a maiyuswat ti Sirib Mile asideg iti Ilocos Norte Centennial Arena.
Manamnama a makikaysa ti selebrasyon dagiti empleado ti kapitolyo.
Inimbitaran pay ni Governor Marcos dagiti Mocha girls tapno agperform ti valentines party dagiti barangay kapitan iti intero a probinsya.
Naamoan a maikkan pay ti sorpresa a regalo dagiti barangay kapitan manipod ti gobernador kas ti sumagmamano a kurung-kurung.
Daytoy ti kaunaan a selebrasyon ti Valentine’s Day dagiti barangay kapitan ditoy probinsya.
