LAOAG CITY – Inrakurak ti Department of Health (DOH) a libre ti testing para iti monkeypox kadagiti government hospitals ditoy pagilian.
Daytoy ti kinumpirmaran ni Health Secretary Teodoro Herbosa iti naiyuswat a budget deliberation ti ahensia iti House of Representatives.
Inbatad ti sekretario a kiddawenna iti Philhealth nga agaramid ti benefit package para iti monkeypox testing gapu ta dandanin a maibus dagiti test kits ken masapolda pay a gumatang kadagiti baro a test kits.
Inpetteng ti sekretario a maliklikan ti monkeypox virus no kanayonen nga agbuggo ti ima ken liklikan nga umasideg kadagiti tattao a nakaptan ti virus.
