LAOAG CITY – Inpasingked ni Mr. Hipolito Arde, ti mangidadaulo ti Land Transportation Office ditoy ciudad ti Laoag a kasapulan a sumurot ti baro a pagalagadan dagiti agirenew ti Driver’s License na.
Karaman kadagiti naipalaon iti baro a pagalagadan ti LTO ket pakaseknan iti dress code, Medical certificate ken proper hygiene.
Segun kenkuana, naipatungpal ti baro a pagalagadan gapo ta adu dagiti motorista a saan a nangsursurot ti pagalagadan iti kallabes kas iti panagala ti medical certificate.
Mainaig ti daytoy, adda pay iti biometrics nga usaren dagiti motorista a dumalan iti medical examination tapno masigurado a saan a peke ti medical certificate.
Innayon na a kaadoan kadagiti motorista a mapan mangal-ala iti lisensya na ket saan a presentable iti langa da gapo iti panagisusuot da iti aritos, panagpa-attiddog da ti buok ken dadduma pay.
