LAOAG CITY – Nagdinnungpar ti maysa a motorsiklo ken kurong-kurong iti paset ti Barangay Puruganan iti ili ti Dingras.
Nabigbig ti driver ti motorsiklo a ni Mr. Joel Abaja y Gallegos,51, naasawaan, construction maintenance man ken residente iti nasao a barangay idinto a ti driver ti kurong-kurong ket ni Nelia Milieza y Monte, 42, addaan ti live in partner ken residente iti Barangay 49-A, Darayday ditoy ciudad ti Laoag ken dagiti pasahero na ket da Heilin Mana y Milieza, 59, Juanita Milieza y Monte, 83,agpada a residente iti Barangay Sulqiano, Dingras ken dagiti tallo a menor de edad.
Iti imbestigasyon dagiti otoridad, napaspas nga agpalpalaud a direksyon ti motorsiklo ni Abaja idi aksidente a nadungpar na ti kurong-kurong nga agpaamyanan a direksyon.
Gapo iti daytoy, na-slide ti motorsiklo rason a nagsagaba ti sugat ti nagduduma a paset ti bagi ni Abaja ken dagus a naitaray iti ospital idiay ciudad ti Batac ken nagpositibo ti nasanger.
Saan met a naan-ano ti driver ti kurong-kurong ngem dagiti dua a menor de edad ket angalen da ti sakit ti bagbagi da rason a dagiti dua ket naitaray da iti Dingras District Hospital idinto a ti maysa a ket naikabil iti Gov. Roque Ablan Senior Memorial Hospital ditoy cuudad ti Laoag para iti pannakaapagas da.
