LAOAG CITY – Natay ti maysa a lalaki a biktima iti napasamak a self-vehicular accident iti Barangay Balatong ditoy ciudad ti Laoag.
Daytoy ti kinumpirmaran ni PO1 Joel Agoy ti PNP iti ciudad ti Laoag.
Binigbig ni Agoy ti biktima a ni Ronald Cortez, agtrab-trabaho iti maysa a bus station kangrunaan na ti Partas ken taga Paoay, Ilocos Norte.
Segun ken ni Agoy, bayat ti panagawid koman ni Cortez a nakalugan ti motorsiklo ket maipagarop a simken ti sakit na a possible a nangitunda ti pannakadesgrasya na.
Naitaray ni Cortez iti Laoag City General Hospital (LCGH) ngem natay bayat a maag-agasan daytoy.
Saan metten a naidetalye no ania ti sagsagabaen a sakit ni Cortez.
