LAOAG CITY – Nakaawat ni Mr. Arthur Valente, ti ACCM provincial fisheries coordinator ditoy Ilocos Norte ti National Hall of Fame Award manipod iti Bureau of Fisheries and Aquatic Resources (BFAR).
Napili ti BFAR ni Valente gapu dagiti kontribusyon ken dibosyon na para iti pannakaprotiher kadagiti balyena, pawikan ken dadduma pay a marine mammal.
Segun kenni Valente, saan na namnamaen nga isu ti mapili gapu ta awan met iti anyaman nga inaplikaran na tapno magun-od na ti nasao a pammadayaw.
