LAOAG CITY – Inmandar ni Mayor Rafael Benemerito ti temporaryo a pannakaserra ti Municipal Hall Building iti ili ti Pagudpud.
Daytoy ket para iti tallo nga aldaw a disinfection wenno decontamination kalpasan a naimaldit ti dua a kaso ti COVID-19 iti nasao nga a ili a dagitoy ket maysa nga utility worker a taga Brgy. Saud ken maysa a babai a naggapo idiay Metro Manila.
Epektibo ita nga aldaw ti temporaryo a pannakaserra ti Municipal Hall Building agingga intono Hulyo 22.
Namandar met nga amin nga empleyado ti LGU-Pagudpud nga agwork from home kabayatanna ti pannakaipan ti lockdown iti Municipal Hall.
Immuna iti daytoy, temporaryo a napaserraan ti Rural Health Unit, Isolation Area, 3 a Sitio iti Brgy. Saud iti nasao nga ili.
