LAOAG CITY – Saan a maawat ni Mr. Emmanuel Raquinio iti Brgy. 34B, Gabu ditoy ciudad ti Laoag ti pannakabaot ti anak na a ni alyas “Alden”, agtawen ti walo, ken agad adal iti Gabu Elementary School babaen iti mismo a maestra na a ni Mrs. Amilita Ricardos.
Immuna ti daytoy, inyistorya ni Raquinio nga agib-ibit a simmangpet ti anak na a ni Alden ken nakita da ti naglamma a linya ti luppo ti ubing.
Inpetteng ni Raquinio nga uray anya pay ti nagbasulan ti anak na ket saan a rumbeng a dangran ti maestra ti na gapu ta isuna a mismo nga ama na ket saan na pay a dangdangran ti ubing.
Kabayatanna, gapu iti napasamak ket desidido nga agreklamo dagiti nagannak gapu ta naglamma ti nagbautan ti mestra iti anakda.
Inbatad dagiti nagannak ni Alden a ti resulta ti medical examination a dimmalanan ti ubing iti Governor Roque Ablan Senior Memorial Hospital (GRASMH) ditoy ciudad ti Laoag ti natibker nga ebidensya da kontra ken ni Mrs. Ricardos.
Mainaig ti daytoy, inyistorya met ni alyas Alden ti nagpasaran na iti ima ti mestra na ani Mrs. Ricardos.
Kuna na a kabayatan ti panagay-ayam da kadagiti kaadalan na iti playground ti pagadalan ket maipagarop a kellaat lattan a binaot ti maestra na.
Kunana nga ado da a nagay-ayam iti ruwar ngem nasdaaw nu apay isuna laeng ti binaot ti maestra iti luppo na babaen ti pointing stick nga us-usaren na nga agisuro.
Iti sabali a bangir, inadmitir ni mrs. Amilita ricardos iti gabu elementary school a nabaot na ti adalan na a ni alyas alden.
Inkalintegan met ni Mrs. Ricardos a saan nga iti play ground ti nangbautan na ken ni alyas Alden.
Kunana nga adda ti paub-ubra na iti uneg a mismo ti kwarto da ngem maipagarop nga agkararuwar ni Alden ngem idi pinagtugaw na ket nagtulnog met daytoy.
Nupay kasta, inbatad ni Mrs. Ricaredos nga idi agpractice dagit adalan na iti activity da ti religion subject ket dita manen a mangkuriro ni Alden kadagiti pada na nga agad-adal babaen ti panagsasao na ken makatagari.
Gapu iti daytoy, inadmitir ti mangisursuro a napunwan ket nabaot na ti nasao nga ubing.
Inpalgak ni Ricardos a binaot na ni Alden gapu ta kanayun a kastoy ti ar-aramiden na iti baet a kanayun ti panangbagbaga na.
Innayon na a napunwanen agapu ta nu paayaban na ti nagannak ti ubing ket saan da a mapmapan iti nasao a pagadalan.
