LAOAG CITY – Bailligi a nairepresentar kadagiti opisial ti barangay ditoy ciudad ti Laoag ti Community Based Monitoring System and Deployment of the Brgy. Information and Management & Monitoring System (BIMMS).
Daytoy ket babaen ti Office of the City Planning Coordinator, Information and Communication Technology Office, ken koordinasion ti Liga ng mga Barangay.
Karaman kadagiti nagatendar ket dagiti Barangay Chairman, SK President ken Barangay Secretaries.
Kabayatan ti aktibidad ket naipakaammo dagiti nagduduma a serbisyo ken pannaka-access kadagiti datos ken impormasion kas ti panagala ti sertipikasion, populasion ken nagduduma a serbisio a pakalag-anan ti tunggal barangay.
Kabayatanna, ti kangrunana ta gagem ti lokal a gobierno babaen iti administrasion ni Mayor James Bryan Alcid ket ti natibtibker, naan-annayas ken al-alisto a koordinasion ti gobierno ciudad ken dagiti opisial ti Barangay.
