LAOAG CITY – Nagballigi dagiti otoridad a nangtiliw ti maysa a retirado a kameng iti Philippine Army babaen ti search warrant operation idiay Pasuquin, Ilocos Norte.
Nabigbig daytoy a ni George Bolusan alyas Rambo, agtawen ti 56, naasawaan, retirado a kameng iti Philippine Army ken residente ti Barangay Carusipan ti nasao nga ili.
Nakumpiskar dagiti otoridad ti maysa Cal. 5.56 mm nga addaan ti maysa a bala, 1 a cal. 38 nga addaan iti innem a bala, 1 a cal 38mm nga addaan ti 3 a bala, 1 cal 45, 1 rifle grenade, 1 a bala ti M203, 2 a bala ti 7.26 cal., 15 a bala para ti cal 45 a paltog, ken 3 a bala para ti cal. 38.
malaksid iti daytoy, adda pay ti naala dagiti otoridad a 21 nga atiddog ken 5 a bassit a magazine para iti M16 rifle nga adda karga na a 120 a bala ken 46 a bala para ti cal. 22 a paltog.
Iti agdama, maisagsaganan ti reklamo a maipila kontra ken ni Bolusan.
