Inpakaammo ti Burgos Municipal Police Station a nagtalinaed ti linak, talna ken urnos iti nasao nga ili sumagmamano nga oras sakbay ti pannakaselbrar ti Paskua.
Kinunana nga agtultuloy ti pannakikoordinarda kadagiti Barangay Officials maipapan iti panagkompiskar ti boga ket iti agdama ket awan pay dagiti nakumpiskarada.
Innayonna nga adda ti napagnunummuan dagiti kameng ti polisya ken barangay officials a mangkumpiskar kadagiti makitada a boga.
Malaksid iti daytoy, inpettengna nga awan pay ti namonitor da nga aglaklako kadagiti illegal a paputok.
Kabayatanna, inpasigurado ti Burgos Municipal Police Station nga agtultuloy ti naiget a panagmonitorda ken namnamaenda nga agtalinaed ti linak, talna ken urnos iti nasao nga ili.
