LAOAG CITY – Nagun-od ni Dee Vanna Espiritu Galacgac, nagturpos iti Mariano Marcos State University ti umuna a pwesto ti 2024 Food Technologists Licensure Examination (FTLE).
Basar iti resulta ti eksaminasyon, nakagun-od ni Galacgac ti 88.25% rating.
Ni Galacgac ket nagturpos kas magna cumlaude idi 2023 iti kurso na a Bachelor of Science major in Food Technology.
Maysa pay ni Galacgac nga iskolar ti Department Of Science and Technology (DOST).
Mainaig iti daytoy, manipod iti 995 a nageksamen ket 510 dagiti nakapasa wenno kaibatugan ti 51.26 a porsiento.
Nagbalin met kas Top Performing School ti University of the Philippines-Diliman iti nagun-od na a 96.43% rating.
