LAOAG CITY – Nakairekord ti 31 a baro a kaso ti covid-19 ditoy probinsya no sadinno a 15 kadagitoy ket manipod ditoy ciudad ti Laoag.
Nanayunan met ti uppat a baro a kaso ti covid-19 iti ili ti Paoay, tallo iti ili ti Currimao, dua iti ili ti Bacarra, ken saggaysa iti ili ti Marcos, San Nicolas, Burgos, Nueva Era ken iti ili ti Pagudpud.
Nupay kasta, adda ti nairekord nga 40 a baro a nakarekobre manipod iti nasao a sakit isut gapuna nga addan ti pakabuklan a 1,522 recoveries; 2,035 total cases ken nagtalinaed a 15 dagiti pimmusay.
