LAOAG CITY – Nairekord ti maika-25 a pimmusay a covid-19 patient ditoy probinsya.
Ti pimmusay ket ni IN-C2139, maysa a babai, agtawen ti 62, taga Brgy. 1 San Francisco iti ili ti San Nicolas.
Kabayatanna, nairekord met ti 17 a baro a kaso ti covid-19 ditoy probinsya no sadinno a kaadoan kadagitoy ket taga ditoy ciudad ti Laoag.
Nanayunan ti 8 ti baro a kaso ti covid-19 ditoy ciudad ti Laoag, dua iti ili ti Pasuquin ken saggaysa iti ili ti Adams, San Nicolas, Pinili, Piddig ken Vintar.
Iti agdama, addan ti pakabuklan a 2,181 ti kaso ditoy probinsya sipud nangrugi ti pandemya no sadinno a 333 ti actives cases; 1,823 dagiti nakarekobre kalpasan a nakairekord ti 17 a baro a recoveries ken 25 dagiti pimmusay.
