LAOAG CITY – Naiyalud-od ti pannakailockdown ti merkado publiko ditoy ciudad ti Laoag agingga iti alas-11:59 ti rabii intono Mayo 16 ita a tawen.
Daytoy ket basar iti inparuk-at nga executive order (EO) ni Mayor Michael Marcos-Keon idi kalman.
Naipalaon iti EO a gagem ti pannakaiyalud-od ti lockdown iti merkado publiko ket para iti agtultuloy a pannakaisayangkat ti contact tracing kalpasan nga adda manen ti nagpositibo ti covid-19 a maysa nga aglaklako iti tiendaan.
Gagem pay ti mayor iti panangiyalud-od na ti lockdown iti tiendaan ket tapno saanen a maiwaras ti virus.
Maipalagip nga immuna a nailockdown ti nasao a tiendaan kalpasan nga adda ti tallo nga aglaklako a nagpositibo ti covid-19 ken agngudo koma ti lockdown idi kalman.
