LAOAG CITY – Nakapagsaritaan dagiti nainvolved iti degsrasya ditoy ciudad ti Laoag a pakairamanan dagiti uppat a chinese nationals.
Daytoy ti kinumpirmaran ni Police Chief Inspector Rommel Ramos, ti mangidadaulo iti PNP-Traffic Division ditoy ciudad ti Laoag.
Immuna ti daytoy, nagasat nga awan ti nasugatan wenno nasaktan kadagiti uppat a chinese nationals ken maysa pay kalpasan a nagdinnungpar ti maysa a Ford Ranger pick-up ken Hyundai Shuttle van iti Barangay 4 ditoy ciudad ti Laoag.
Naamoan a bayat nga agdaldalyasat ti Ford Ranger pick-up nga inturong ni Wan Qi iti lugar ket aksidente a nakadinnungpar da ti Van nga inmaneho met ni Marlone Patricio, agtawen iti 45, naasawaan, negosyante ken residente met laeng ti nasao a Laoag.
Nabigbig met dagiti kakadwa ni Qi a da Lu Jun, agtawen iti 38, Luo Bin, agtawen iti 36 ken Gong Hanlin, agtawen iti 43, agpapada a Chinese Nationals ken contractors da iti Windmill, ken agdama da nga agnanaed iti Susu Beach, idiay Brgy. Masikil, Bangui, Ilocos Norte.
