LAOAG CITY – Posible nga ikkaten ti tallo opisial ti Philippine National Police pakairamanan ti maysa a Provincial Director iti Bicol Region.
Inbatad ni Philippine National Police Chief Police General Nicolas Torre III, agtultuloy ti panangtingitingna ti performance kadagiti nasao a police officials no agtalinaed wenno masuktanen iti puesto.
Inlawlawagna nga adda ti maysa a Philippine National Police Provincial Director a saan nga agmonmonitor ti garaw kadagiti adda iti babaen ti ground.
Kunana a ti panagusar ti hand held radio ket saan pay nga ammo dagiti nadakamat nga opisial.
Gapu iti daytoy, naminsan manen a nagpanawagan ti Philippine National Police Chief kadagiti pulis a saan nga agtungpal ti pammilinna.
