LAOAG CITY – Dakkel ti epekto ti napudot a paniempo iti panagpatanur ti mula a lettuce.
Segun ken ni Mr. Marvin Xavier Nicolas Vea, agtagikua ti maysa a farm iti ili ti Solsona, dagiti lettuce a maimula babaen iti hydroponics ket nalaka a matay gapu iti pannakaapektar ti ramot manipod iti nabara a panawen.
Nu pay kasta, kuna ni Vea a tapno saan a maminpinsan a matay dagiti lettuce ket adda ti panagikabil na ti yelo iti pagmulmulaan na tapno naungar latta dagitoy.
Mainaig iti daytoy, inpakammo ni Vea nga isapsapa da ti panagapit ti lettuce tapno agtalinaed a naimas ti raman daytoy ken saan a pumait.
Kuna na a manipod iti dati a 25-30 nga aldaw a mauray sakbay ti panagapit ket mangrugi dan iti maika 18 nga aldaw tapno saan a maperdi ti lettuce.
