LAOAG CITY – Manamnama a mainstolar ti solar street lights iti airport road ita a tawen.
Segun ken ni Engr. Glen Miguel, District Engineer ti Department of Public Works and Highways – First Engineering District, karaman daytoy iti asphalt overlay project iti nasao a kalsada.
Inlawlawagna a package daytoy a proyekto ken saan a mabalin a solar street lights laeng.
Naammoan a dua milyon a pisos ti balor ti proyekto.
Kabayatanna, manamnama pay a maikkan ti solar street lights ti rangtay iti bypass road ditoy siudad ti Laoag.
