LAOAG CITY – Naarestar ti maysa a laborer iti buy-bust operation iti Barangay San Simeon iti ili ti Currimao.
Ti suspek ket agtawen ti 40, addaan ti live-in partner ken residente iti nasao met laeng a barangay.
Natiliw ti suspek kalpasan a naglako ti maysa nga heat-sealed transparent plastic sachet nga agdagsen ti maysa a gramo a naglaon ti maipagarup a shabu iti police poseur-buyer.
Malaksid iti daytoy, nakumpiskar pay manipud iti suspek ti 15 nga heat-sealed transparent plastic sachet a naglaon ti maatap a shabu ken dadduma pay a drug paraphernalia.
Naammoan a ti suspek ket maibilang nga high value target ken adda ti pakabuklan a 6,800 a pisos ti balor dagiti naala a kontrabando.
