LAOAG CITY – Nakipaset ti naruay a deboto ti Simbaan Katoliko para iti Ash Wednesday ita nga aldaw iti St. William Cathedral ditoy siudad ti Laoag.
Iti panagturong ti Bombo Radyo Laoag News Team iti simbaan, naimatangan dagiti adu a napan nakimisa, ubbing man wenno nataengan.
Ti Ash Wednesday ti umuna nga aldaw ti panawen ti Kuaresma, ti 40 nga aldaw a panagsagsagana iti Easter.
Maaw-awagan daytoy nga Ash Wednesday gapu ta maik-ikkan ti abo iti muging ti deboto kas panangipasimudaag ti panagbabawi ken panagpakumbaba iti sango ti Dios.
Naggapu ti abo kadagiti palaspas a binendisionan idi Palm Sunday a pupuuran kas panagsagsagana iti Ash Wednesday.
Ti Ash Wednesday ket saan laeng a ti panangikabil ti abo iti muging no diket aldaw ti panagbabawi ken naiget a pammati iti Dios.
