LAOAG CITY – Tinalantanan ti Sang. Panlalawigan ti maika-98 a “founding anniversary” ti ili a Currimao.
Ditoy nga impadanon ti Sang. Panlalawigan ti panangkablaawna kadagiti opisial ken dagiti umili ti ili a Currimao iti kaadu dagiti rumbeng nga ipagpannakkel da.
Imbatadna a karaman ditoy ti pannakagun-ud ti nadakamat nga ili iti “Seal of Good Local Governance” pakairamanan dagiti naruay a pammadayaw a naiyalat ti Currimao iti kaunaan a “tourism awards”
Segun ti Sang. Panlalawigan, dagitoy ti pammaneknek a nupay bassit laeng nga ili ti Currimao ket maibilang a “world class” dagiti prinsipio ken ganuat da “.
Kunana a dua laengen a tawen ket madanonen ti maika-sanga gasut nga anibersario ti nadakamat nga ili.
Mainaig iti daytoy, manamnama nga adu pay ti magun-ud ken maaramidan iti ili a Currimao agingga a madanon ti nasao a naindaklan nga aldaw.
