LAOAG CITY – Agpanpanawagan ni Mrs. Florie Paet iti Barangay Daquioag iti ili ti Marcos ti tulong pinansyal tapno mairuar manipud iti ospital ti kabsat na.
Segun kenni Paet, idi Disyembre 17 ket marigatan nga umanges ti kabsat na isut gapo na nga intaray da iti ospital partikular iti Laoag City General Hospital (LCGH).
Kunana nga idi adda pay laeng iti ili ti Sarrat ket napukawan ti puot ti kabsat na isut gapo na nga inpan dan iti Karmelli Hospital.
Inlawlawag na a basar iti findings dagiti doktor ket dimmakel ti puso ti kabsat na ken nagdanom daytoy.
Naamoan nga umabot iti 103 a ribo a pisos ti bill da iti ospital ngem adda ti nangipaay a mabigbigbig a personalidad ditoy probinsya ti 50 a ribo a pisos.
Nupay kasta, kasapulan nga agdown payment ti pamilya da ti 40 a ribo a pisos tapno makaruar da iti ospital.
