LAOAG CITY – Naragsak nga inpakaammo ni Ms. Angel Lao, mangidadaulo ti City Tourism Office ditoy siudad ti Laoag nga adda ti nasurok 30 a nagturpos iti Community Guides.
Segun kenkuana, dimmalan dagitoy iti nagduduma a panagsanay kas ti basic life support, tour guide ken dadduma pay.
Inbatadna a babaen iti daytoy a wagas ket adda ti mangtulong ken mangasistir kadagiti turista ken gangganaet nga agpasiar ditoy siudad.
Kunana a babaen iti tulong ti Department of Tourism ket makapartuatda ti trabaho a makatulong kadagiti umili nga agtutubo ken natataengan pakairamanan dagiti senior citizens.
Kabayatanna, mangnamnama ni Lao a makakiddawda pay iti Department of Tourism para iti maikadua a bansada iti nasao a programa.
