LAOAG CITY – Kinumpirmaran ni Barangay Kagawad Jaymark Flores iti Barangay Poblacion 2 iti ili ti Pagudpud nga adda dagiti timpaw a nagduduma ti klase na nga ikan iti baybay a sakop iti barangay da.
Inlawlawag na a gagangay laeng nga adda dagiti agpisti a lames gapu iti nakaro a lamiis.
Kuna na a tunggal madanun ti bolan ti disyembre ket adda latta dagiti matay a lames gapu iti nalamiis a paniempo.
Umabot ti nasurok a 10 a kilo dagiti ikan a timpaw iti baybay a sakop ti nadakamat a barangay.
Nupay kasta, inpasingked na a nasadiwa pay laeng dagiti ikan isut gapuna a mabalin a sidaen.
