LAOAG CITY – Umaboten iti nasurok siyam a milyon ti insiyal a balor ti perdisyon nga inbati ti Bagyo Florita ditoy probinsya.
Segun kenni Mr. Marcel Tabije, ti PDRRMO ditoy Ilocos Norte, iti imprastraktura ket umabot iti 5.5 a milyon a pisos ti inisyal a dadael no sadinno karaman ditoy ti rangtay ken provincial roads.
Iti met biang ti agrikultura ket umabot iti 3.5 milyon a pisos no sadinno 2.2 ditoy ti balor ti mula a pagay iti ili ti Bacarra idinto nga iti ili ti Pinili ket high value crops nga agbalor ti 45 a ribo a pisos, ken 500 a ribo a pisos iti Agri-Infra.
Kunana nga ti biang ti livestock ket agbalor ti 200 a ribo a pisos, kaadoan a nakairekordan daytoy ket ti ciudad ti Batac, sumaruno ti Burgos, Marcos, ken Pinili.
Inapasigurado na nga amin a kalsada ditoy probinsya ket madalyasatan malaksid laeng iti rangtay iti Barangay Badio iti ili ti Pinili ken slope protection nga agbalor ti 3.5 a milyon a pisos.
