LAOAG CITY – Binalakadan ti National African Swine Fever Prevention and Control Program dagiti amin a biyahero nga agsubsubli manipud iti bukodda a probinsia para ita a long weekend a saanda nga agitugot ti karne ti baboy ken produkto ti baboy.
Karaman ditoy ti chicharon, sausage, hamon, chorizo, ken dadduma pay a produkto ti karne baboy.
Dautoy ti inpablaak ti ahensia, kalpasan ti nairekord a panagngatu ti kaso ti African Swine Fever ditoy pagilian.
Nupay awan ti epekto ti ASF iti salun-at ti tao, puntiriana dagiti baboy a pakaigapuan ti ipapatayda rason nga inpetteng ti Departament of Agriculture a no pay adda long weekend ket saan nga agbakasion ti virus.
Inbatad ti ahensya nga alisto met a makaimpektar daytoy kadagiti taraken a baboy.
Kabayatanna, ti pakdaar ti ahensya ket kas sungbat met iti panaggannad ti gobierno ken pananglapped iti panagwaras iti nasao a sakit.
