LAOAG CITY – Awan ti makita ti North Atlantic Treaty Organization (NATO) a panaglabsing iti inaramid a panangpataw ti nangangato a taripa ni United States President Donald Trump iti adu a pagilian.
Inbatad ni North Atlantic Treaty Organization Secretary General Mark Rutte a saan a panagsalungasing iti translantic alliance treaty ti inpatungpal ni Trump no sadinno a naapektaran dagiti sumagmamano nga european countries.
Inpasingkedna nga agsina a banag ti maipanggep iti taripa basta nakasentro laeng lamang ti trabahoda iti panangprotehir iti teritorio ti North Atlantic Treaty Organization.
Inlawlawagna a saan a makibiang maipapan iti taripa kalpasan a naruay a pagilian ti naapektaran iti daytoy.
Maipalagip nga adu nga European countries ti karaman iti pinatawan ni Trump ti nangato a taripa.
