LAOAG CITY – Naaprobaranen ti nayon a sueldo dagiti mangmangged ti Rehion 1.
Basar iti Regional Tripartite Wages and Productivity Board (RTWPB) nga adda ti P33 a nayon iti inaldaw a sueldo nga agbalin nga epektibo inton Nobiembre 7.
Basar iti Wage Order 1-23 nga agbalinen a P435 ti minimum a sueldo para kadagiti agriculture ken non-agriculture sector nga addaan ti empleado a saan a sumurok iti 10.
Idinto nga agbalin a P468 met ti sueldo kadagiti non-agriculture sector nga addaan ti empleado ti nasurok 10.
Inbatad ti Department of Labor and Employment (DOLE) a ti nasao a nayon a sueldo ket 8 a porsiento a panagngato manipud iti napalabas a minimum wage rates iti rehion.
Mabenepisiaran ditoy ti dumanon iti 170,143 a minimum wage earners ken 349,112 a full-time wag ken salary workers.
