LAOAG CITY – Manamnama a maestablisar dagiti nayon nga school building ditoy probinsia.
Segun ken ni Sangguniang Panlalawigan Member Marlon Sales, Chairman ti Committee on Infrastructure ditoy probinsia, makipagpinnirma iti memorandum of agreement ni Gov. Cecilia Araneta Marcos iti Secretary ti Department of Education.
Inlawlawagna a maiprioridad dagiti pagadalan nga agkurkurang ti classroom-na ken maysa kadagiti kalikagumna a mainayon ket ti pannakatarimaan ti uppat a classroom iti ili ti Sarrat kalpasan a nauram.
Inbatadna nga adda ti 150 milyon a pisos ti maipaay a pundo para ditoy probinsia.
Innayonna nga addanto pay ti pannakaarisit dagiti lugar a kasapulan a pakaestablisaran ti nayon a classroom.
