LAOAG CITY – Sakbay pay ti February 6 trade deadline ket nagpariknan ni six-time NBA All-Star Jimmy Butler a tumalaw iti Heat.
Nakasagana met ti Miami kadagiti trade offers para ken ni Butler nga awan pay ti pormal a trade request uray nakasagana daytoyen nga umakar iti sabali a grupo.
Sumagmamano kadagiti kalikagum a papanan ti agtawen iti 35 a ni Butler ket ti Phoenix Suns, Golden State Warriors, Dallas Mavericks ken Houston Rockets.
Adda pay ti $49 milyon ni Butler iti kontratana iti Heat ita a season ken $52 million player option para iti 2025-26 kalpasan a saan nga immannugot ti agsumbangir a partido para iti maysa a contract extension.
Nakaaramid ni Butler dagiti averages nga 18.5 points, 5.8 rebounds ken 4.9 assists ita a season.
